台灣日常

詳細資訊

【走揣台灣百年ê生活記憶】

敢猶ē記得路邊紅色ê電話iah是BBCall？

敢bat坐過竹雞仔車？

細漢時跳ê健康體操是佗一套？

看起來平常ê生活經驗背後有bē少ê故事leh講台灣獨有ê文化kah發展。Tiānn-Tiānn看著ê三房兩廳設計、koh濟koh歹行ê亭仔跤、lóng bē hōo人淘汰ê傳統電鍋等等，tsia-ê「台灣特色」是uì佗位來？

冊內底uì無仝ê生活面向來描述百外年來ê變化：洗身軀、穿衫習慣ê改變，冰箱、電視ê出現，徛家kap街仔路ê變化，體制教育ê khai始等等。Uì 現此時ê生活探索過去ê歷史，做伙來熟似頂沿人ê經驗，走揣屬tī tsit ê島嶼ê共同記憶。

Tsit本冊ê編排是先台文才koh華文。台文寫作使用教育部建議用字kap台羅，內底有佮台語詞彙ê華文注解。

作者

Hena Ma（賢仔 ê 媽媽）出世tī嘉義市ê水上鄉人，Podcast《台灣人台灣事》ê製作人kah播音員。

面冊迷眾頁 https://www.facebook.com/HenamaTaiwan/

話頭 / 序

「……Tī一百冬內，台灣人uì厝內無便所變做有沖水ê馬桶，uì出門褪赤腳變做人人穿鞋，查某囡仔uì無法度出門讀冊變做tio̍h接受義務教育，uì點油燈變做用省電ê LED電火，uì拍接線電話變成一人一支手機仔。生活中ê變化比lán想ê koh khah緊，看起來有真濟變化ê日常，suah mā保留bē少過去ê習慣kah歷史ê跤跡。坐tī洗浴槽內底用面桶洗身軀，亭仔跤ê物件tìn滿規ê通路，商號koh需要刻大小粒印仔等等，四界lóng看ē tio̍h一寡iáu-bē綴時間無去ê文化習慣，這表示生活變化m̄是無影無隻就ē出現，是相連紲ê試驗khah事件，有伊ê變化mā有伊無變ê所在。

Tsit本冊m̄-nā講過去ê故事，mā講現在，uì無仝ê生活面向來看台灣ê發展。新ê科技kah制度hōo lán ê生活改變，蹛來新ê觀念，影響tio̍h人kah人ê關係，mā改變社會ê面貌。就像台灣ê徛家uì一條龍ê的低厝變做三房兩廳ê公寓，有真濟原因，內底mā包括人口政策kah現代小家庭ê概念。Tsit百外冬來mā有寡課題ê進度真慢，就像tī日本時代就有leh討論ê學校制服，一直到今仔日iáu是學生抗議ê一个主題，uì tsia 看ē tio̍h台灣ê一寡定地生根ê想法。

除了uì時間變化ê角度，uì過去老一輩kah tsit-má少年人生活經驗ê差別來揣生活中ê歷史；tsit本冊mā beh揣台灣特殊ê模樣。Uì農業社會到後工業ê社會，uì庄跤到都市化，教育ê普及kah政治體制ê轉變，台灣ê發展看來親像綴西方工業國家ê現代化leh行，其實有濟濟特別ê面向。像台灣ê機車非常濟，台灣ê亭仔跤真歹行，到今台灣人iáu是愛用古早電鍋，tsia-ê台灣「特色」kah地理環境，宗教信仰，殖民政權kah威權體制，經濟發展ê模式，kah社會文化lóng有關係。就像研究現在kah過去ê差別ē使知影歷史ê變化，比較台灣kah別个國家ê經驗mā ē使揣tio̍h在地ê腳跡。……」(話頭)

「……就在一百多年裡，台灣人從家中沒有廁所到有沖水馬桶，從外出打赤腳到人人穿鞋，女生從無法出門上學到必須接受義務教育，從點油燈到使用省電的LED燈，從打接線電話變成人手一機。生活的變化比想像中來的快速，同時看似大幅改變的日常，卻也保留了許多過去的習慣以及歷史的痕跡。坐在浴缸裡使用臉盆洗澡，騎樓堆滿了通行障礙物品，商業行號需刻有大小印章等等，處處可見一些並未隨著時間消失的文化習性，這顯示生活變遷並非憑空出現，而是一連串的嘗試和延續的事件，有其變與不變。

這本書不僅講過去的歷史，也談當下，從不同生活面向探討台灣的發展。新的科技和制度帶來許多生活上的改變，形塑出新的價值，影響著人與人的關係，也改變了社會的樣貌。就像台灣住家從一條龍的平房變成三房兩廳的公寓，有諸多成因，其中也包括了當時的人口政策以及現代核心家庭的概念。這百年來也有些議題的進程緩慢，也凸顯了台灣某些難以撼動的觀念，就像在日治時期就備受討論的學校制服，一直到今天仍然是學生抗議的主題之一。

除了從世代變遷的視角，從過去老一輩和現在年輕世代的生活經驗的差異來探索歷史以及生活的轉變；這本書也找尋台灣的特殊性。從農業社會到後工業社會，從鄉村到都市化，教育的普及和政治體制的轉變，台灣的發展看似跟隨著西方工業國家的現代化進程，卻有許多獨特的面向。就像台灣的機車相當的多，台灣的騎樓特別難走，台灣人到現在還很喜愛古老的電鍋，這些台灣「特色」源自於地理環境，宗教信仰，殖民政權和威權體制，經濟發展模式以及社會文化。就如探索現在與過去的差異可知道歷史的變化，對照台灣與其他國家的經驗也可找到在地獨特的軌跡。……」(序)

目錄列表