傲慢佮偏見（台文全譯版，珍．奧斯汀250週年誕辰紀念，「傲慢與偏見」首部台語完整譯本）

詳細資訊

英國小說家珍．奧斯汀250週年誕辰紀念
《Pride and Prejudice》台文全譯版20萬字，完整呈現

因為愛情，予伊放下傲慢，改頭換面
因為愛情，予伊智覺偏見，激出真情意
珍．阿斯頓傳世的浪漫經典《傲慢佮偏見》
這回，咱用台語來啖愛情的鹹酸苦汫、糖甘蜜甜

英國庄跤有一位班奈太太，伊透世人的願望，就是欲將五个查某囝全嫁出去。有一日，一位貴公子賓利按算佇班家附近稅厝做厝邊，班奈太太就想空想縫，步數盡展，欲來將查某囝佮伊捒做堆。

舞會的時，班家的大漢查某囝珍佮賓利一見鍾情，但是第二查某囝伊俐莎白，煞因為一時的態度佮誤會，對賓利的好朋友達西無好印象。後來更加因為各種事件佮使弄，予伊俐莎白對達西有濟濟偏見。

兩人原是門不當、戶不對，無話無句不投機，那知達西是一下煞著，雙方膏膏纏，結果冤家冤甲行鬥陣。一个是好額緣投、驕傲苛頭的貴公子，一位是聰明伶俐、厚思量的二小姐，𪜶的愛情，是按怎佇傲慢下底的真實面腔佮偏見背後的真相觸纏之間，沓沓仔變化發穎？一場險險仔

相閃身的青春戀情，閣加一味台語，心適媠氣、氣口飽滇！

【本冊特色】

英台全文直譯，語詞註解，精采好讀
珍．奧斯汀250週年誕辰紀念，珍藏上市

◎本版本無有聲內容
◎文化部「語言友善環境及創作應用補助」作品

作者簡介

珍．阿斯頓

Jane Austen，1775-1817

一位真有代表性的英國女性作家。伊出世佇庄跤的牧師家庭，雖然無受過完整的正規教育，但是自細漢就誠愛閱讀寫作，經由自學佮厝內的知識教養，伊十外歲開始創作，就此顯露筆花佮文采。

珍．阿斯頓的作品，大部分是以家己佇英國庄跤出身、生活的中產階級日常做背景。19世紀英國社會的人情世態、風俗習慣、婚姻戀愛，攏是伊主要的創作題材。透過自然活跳、趣味詼諧的語言，靈活機巧的好禮雅氣、話帶心機，雕琢人物的個性佮精神，呈現英國文化佮社會的面貌佮底蒂。

珍．阿斯頓有六部重要的長篇小說傳世，其中的《傲慢佮偏見》（Pride and Prejudice）是伊上蓋流行、上有影響力的作品。出版了後，毋但有濟濟讀者佮意愛讀，閣經過電影、電視劇的改編佮各種延伸改寫，對後世作品有誠重要的啟發，成做當代浪漫小說的原型經典。

譯者簡介

洪淑昭

國立高雄師範大學台灣歷史文化及語言研究所畢業，通過教育部105、107年閩南語檢定專業級認證，長期投入推動台語文教育，積極從事台語文創作。散文作品不時入選教育部全國語文競賽閩南語朗讀稿，〈巷仔內的桂花芳〉得著教育部108年閩客語文學獎散文社會組第一名。台文小說《錦荔枝的滋味》得著高雄市文化局書寫高雄創作獎助，佇2022年出版，後來佮高雄廣播電台共同合作改編做「台語文學劇場-錦荔枝的滋味」廣播劇。

審訂者

鄭順聰

嘉義民雄人，嘉義高中，中山大學中文系，台師大國文研究所出業。捌任《重現台灣史》主編，《聯合文學》執行主編，教育廣播電台《拍破台語顛倒勇》主持人，公視台語台《HiHi導覽先生》創意發想和台語顧問。台文作品有詩集《我就欲來去》，小說《大士爺厚火氣》，散文《台語好日子》、《台語心花開》，繪本《仙化伯的烏金人生》。

封面繪者

Asta Wu

現此時是專職插畫家，畫插圖、畫繪本，嘛畫圖像小說，啖試各種創作的方式，目前當咧往寫故事的方向伐進。佮意神話、民俗傳說佮貓咪，上愛佇作品內底藏小動物佮濟濟無仝款式的彩卵。（astawu.com　IG：Asta Wu）

目錄列表